Movimientu Educativu
Somos un Movimientu Educativu que propón a los neños, neñes y xente mozo asumir el protagonismu del so propiu desendolque.
Somos un Movimientu Educativu, un conxuntu d’homes y muyeres que compartimos l’ideal de
persona, sociedá ya Ilesia del Escultismu Católicu y asumimos el compromisu de desendolcar y
esparder el so Proyeutu Pedagóxicu n’España.
Somos un Movimientu pa los neños, neñes y xente mozo, que tamién integra como axentes
educativos a los responsables, families y comunidaes cristianes que s’enfoten na so capacidá de
responsabilizase del so desendolque y configuren los entornos educativos que faen posible l’E
scultismu. El compromisu de nueso con toos ellos íguase al traviés d’una propuesta educativa, el
Programa de Xente Mozo, que quier responder en cada momentu a les sos necesidaes y
aspiraciones.
Pa llevar a cabu’l nuesu proyeutu dotámonos d’una estructura organizativa que tien que ser
eficaz, flexible, democrática y participativa pa tolos axentes que formen parte del Movimientu.
Movimientu Scout
Somos parte del , una hermandá universal que comparte un ideal de vida, un métodu de trabayu y una misión: contribuyir a la construcción d’un mundiu meyor.
Somos parte del Movimientu Scout, una hermandá universal que quier contribuyir a la construcción d’un mundiu meyor, acordies colos valores universales espresaos na Llei y la Promesa recoyíos na Constitución de la Organización Mundial del Movimientu Scout, que conviden a cada scout a ser una persona íntegra y feliz, socialmente comprometida y abierta al alcuentru cola Trescendencia.
Al traviés de les nueses actividaes, articulaes acordies col
Métodu Scout, acompañamos a los neños, neñes y xente mozo nel so procesu d’espoxigue
personal, proponiéndo-yos la implicación activa nun proyeutu educativu non formal que-yos permite
protagonizar el so propiu desendolque.
Mediante la realización de la so xera educativa, los y les responsables scouts desarrollen un
serviciu a los demás pel que’l Movimientu contribúi a la tresformación positiva del mundiu,
utilizando’l so exemplu personal como ferramienta fundamental y comprometiéndose en procesos de
formación y desendolque.
Ilesia Católica
Somos parte de la Ilesia Católica, un bon llugar que convida al alcuentru tresformador con dios nel que toles persones que quieran desendolcar la so dimensión espiritual son acoyíes.
Somos parte de la
Ilesia Católica y sentímonos corresponsables de la so misión, que desarrollamos al traviés
del nuesu proyeutu ecucativu. El Movimientu de nueso ye un bon llugar onde les persones cristianes
se sienten convidaes a fortalecer la so fe al traviés del alcuentru con Xesucristo, el compromisu
cola Ilesia, y la opción por integrar na so propia vida los valores del Evanxeliu.
Somos l’Escultismu que propón la Ilesia a iniciativa de los sos pastores y por ello
sentímonos llamaos a ser la casa común de tol Escultismu Católicu n’España.
Al traviés del
Escultismu Católicu, la Comunidá Cristiana ábrese y acueye a toles persones dispuestes a
descubrir ya afondar na esperiencia espiritual, independientemente de la so tradición relixosa o de
que nun s’alcuentren identificaes con nenguna. Por ello, tamién nos comprometemos a fomentar la
esperiencia de la pluralidá y la comunión dientru la Ilesia, y a contribuyir al Ecumenismu y al
Diálogu Interrelixosu.
Movimientu comprometíu
Somos un Movimientu comprometíu col nuesu entornu natural, social y cultural.
Somos un movimientu comprometíu cola sociedá, con caúna de les persones que viven en territoriu español, especialmente con tolos neños, neñes y xente mozo, seyan les que seyan les sos circunstancies, y coles sos families, que confíen en nós una parte importante de la educación de los sos fíos y fíes.
Somos un movimientu apartidista onde nos afayamos persones que, compartiendo los valores del
Escultismu y el compromisu cola democracia, tenemos estremaos puntos de vista políticos y sociales.
Queremos contribuyir a la construcción d’un mundiu meyor fomentando que los neños, neñes y xente
mozo asuman una ciudadanía crítica, responsable y participativa, comprometida activamente cola
tresformación de los sos distintos entornos sociales, abierta a la cooperación con toles persones
del mundiu.
Apostamos por trabayar en rede con aquelles organizaciones coles que podamos compartir el
nuesu serviciu.
Somos conscientes de que formamos parte del entornu natural y comprometémonos a la so preservación y usu responsable, promoviendo la so sostenibilidá. Consideramos que les distintes identidaes culturales de nueso, tanto les propies como les qu’aporten les persones que vienen d’o tros países, constituyen una riqueza que merez ser conocida, conservada y valorada al traviés del nuesu proyeutu educativu, que promueve un modelu social intercultural.
*Aprobada na 51ª Asamblea Xeneral Ordinaria del Movimientu Scout Católicu. Madrid, 24 y 25 d'Ochobre de 2009.
